Lexoni edhe:
Takimi i 2 shtatorit i delegacionit Kosovar dhe atij serb në Vashington, pa entuziazmin e marrëveshjes finale
Roma bën ofertë të mirë, por Milik e dëshiron Juventusin
Roma është duke u përpjekur të arrijë marrëveshje me Napolin për Arkadiusz Milik, mirëpo sulmuesi dëshiron të luajë për Juventusin.
Futbollisti polak e ka refuzuar zgjatjen e kontratës me Partenopei, ndërsa është i lidhur me ta deri në qershor të vitit 2021, prandaj klubi që e pronëson duhet ta shesë këtë verë që të mos e humbë me parametrat zero në vitin e ardhshëm.
Napoli kërkon 50 milionë euro për shërbimet e 26-vjeçarit, mirëpo asnjë klub nuk është i interesuar ta paguajë atë shumë.
Giallorossët kanë ofruar 20 milionë euro plus Cengiz Underin, mirëpo – siç transmetojnë Sky Sport Italia dhe Tuttomercatoweb – lojtari është i vendosur të luajë për kampionin e Italisë. Edhe pas shkarkimit të Maurizio Sarrit, Milik e dëshiron kalimin te Juventusi, ku do të luante nën urdhrat e trajnerit të ri, Andrea Pirlo.
(Kosova Sot Online )
