Lexoni edhe:
Kjo është pasuria e kampionit të UFC-së, Stipe Miocic dhe përfitimet nga meçet me Daniel Cormier
Joshua tregon se në cilin raund do ta nokautojë Tyson Furyn
Anthony Joshua dhe Tyson Fury pritet ta zhvillojnë duelin për titullin e kampionit të padiskutueshëm botëror në kategorinë e peshave të rënda në vitin e ardhshëm.
Sipas kampionit të WBA, WBO dhe IBF, atij do t’i nevojiteshin vetëm gjashtë raunde për ta nokautuar kampionin e WBC-së.
AJ i riktheu titujt ndaj Andy Ruiz Jr në muajin dhjetor (pasi kishte pësuar humbje të papritur me nokaut), ndërsa në anën tjetër Gypsy King në muajin shkurt e nokautoi Deontay Wilderin duke ia marrë titullin WBC.
Kështu, për herë të parë në histori të boksit britanik, të gjithë titujt e kategorisë së rëndë mbahen nga dy boksierë nga Britania e Madhe.
Edhe pse parashikimet e shohin Furyn si favorit për ta fituar duelin, Joshua që ka humbur vetëm një herë në karrierën e tij, është i bindur se do të fitojë me nokaut.
“Kam shumë respekt për atë njeri. Është njeri familjar dhe boksier i mirë, por në anën tjetër, dua t’ia thyej kokën”.
Kampioni i WBA, WBO dhe IBF, Anthony Joshua (Foto: Richard Heathcote/Getty Images/Guliver/Guliver)
“Në fillim gjashtë raundet e para dhe pastaj e di se do t’i jap fund. Kam karrierë më të shkurtër, prandaj jam më i freskët”.
“Fury barazoi herën e parë dhe pastaj e riktheu planin e tij dhe e mposhti Wilderin dhe vërtet i mbajti leksion. Mirëpo, mendoj se unë jam më i shpejtë se Wilder, caktojeni kur të doni, unë besoj se jam më i mirë”, ka deklaruar Joshua për A League Of Their Own.
(Kosova Sot Online )
