Lexoni edhe:
Babai i Messit mbërrin në Barcelonë: Unë nuk di asgjë
Juventusi dhe Suarezi arrijnë marrëveshje personale
Juventusi ka arritur marrëveshje personale me Luis Suarezin, të cilit tani i mbetet të bjerë dakord me Barcelonën për mënyrën e largimit.
Mediat italiane raportojnë se sulmuesi uruguaian është pajtuar me kushtet që ia ka ofruar Juve dhe se transferimi i tij në Torino do të ndodhë sapo ai ta shkëputë kontratën me Barçën.
Ai do t’i bashkohet kampionit italian falas, pasi trajneri i ri i Barcelonës ia ka bërë me dije se ai nuk bën pjesë në planet e tij dhe se duhet të gjejë klub të ri.
Suarez është duke punuar ta shkëpusë para kohe kontratën me Barçën, e cila i mbaron verën e vitit 2021.
Në anën tjetër, Juve do ta lirojë së shpejti Gonzalo Higuainin, i cili thuhet ta ketë pranuar ofertën e Inter Miami në MLS.
Edhe Higuain është duke biseduar me bardhezinjtë për ta shkëputur para kohe kontratën, pasi trajneri i ri i skuadrës, Andrea Pirlo, e njoftoi se nuk është pjesë e planeve të tij.
(Kosova Sot Online)
