Bayerni e konsideron transferimin e Thomas Lemarit

Mesfushori kualitativ mund të largohet nga Atletico Madridi për t’iu bashkuar kampionit evropian në ditët e fundit të afatit kalimtar veror

Bayern Munichu ia ka vënë syrin futbollistit të Atletico Madridit, Thomas Lemar.

Lajmin e ka bërë të ditur tabloidi gjerman “Sport Bild”

Mesfushori francez është shquar me kualitetin e tij në “Wanda Metropolitano” dhe tash është i gatshëm për hapin e radhës.

Bayerni, nga ana e tij është në kërkim të pasardhësit të Thiago Alcantaras dhe 24 vjeçari mund të jetë zgjedhja ideale për trajnerin Hansi Flick. Ndërkohë, portali “Goal.com” njofton se dy klube të Premierligës janë të interesuara për mesfushorin luftarak, të cilët mund t’i bëjnë ndërkohë konkurrencë kampionit të ri evropian.

(Kosova Sot Online)