Lexoni edhe:
Po fundoset banda Devolli, Qeveria e keqe e bëri një ligj të mirë nën presionin e vullnetit qytetar
Thomas Muller bëhet futbollisti më i trofeshëm në historinë e futbollit gjerman
Thomas Muller është bërë lojtari me më së shumti trofe të fituar në historinë e futbollit gjerman, pasi e fitoi Superkupën e Gjermanisë pas triumfit të Bayern Munich kundër Borussia Dortmund të mërkurën.
Joshua Kimmich shënoi në minutën e 82-të në Allianz Arena për t’ia siguruar bavarezëve fitoren 3:2 kundër nënkampionit gjerman Dortmund.
Bayern po fitonte me dy gola dallim, falë Corentin Tolisso dhe Muller, por Dortmundi i rikthye në lojë duke e barazuar rezultatin pas golave nga Julian Bradt dhe Erling Haaland.
Por goli i Kimmich ia dhuroi fitoren përfundimisht Bayernit, që nënkupton se Muller u bë fitues i trofeut të 27-të rekord në karrierë me klubin.
31-vjeçari i ka fituar nëntë tituj në Bundesligë, gjashtë trofe në Kupën e Gjermanisë DFB-Pokal, dy në Ligën e Kampionëve, një Kupë të Botës, një Kupë të Botës për klube, dy trofe në Superkupën e UEFA-s dhe gjashtë trofe në Superkupën e Gjermanisë.
(Kosova sot Online )
