Lexoni edhe:
Berisha në formacionin e javës në Francë, me notë të njëjtë si Neymari
Paul Pogba e ka hedhur poshtë lajmin e tabloidit britanik se ai e kishte braktisur Kombëtaren e Francës pas deklaratës së presidentit të Francës, Emmanuel Macron, se islami është gjoja burim i terrorizmit ndërkombëtar.
Mesfushori i Manchester Unitedit e ka quajtur të rremë lajmin e The Sun se ai kishte marrë vendim për të hequr dorë nga kombëtarja pas komenteve të liderit të vendit të premten.
Berisha në formacionin e javës në Francë, me notë të njëjtë si NeymariLexoni edhe:
Në një artikull të publikuar të dielën vonë, The Sun shkroi se prapa vendimit të tij qëndron edhe vendimi i qeverisë franceze për ta nderuar mësuesin i cili publikoi fotografi fyese të profetit Mohamed, të cilat e kanë hidhëruar dhe zemëruar Pogban.
Megjithatë, mesfushori 27-vjeçari i ka hedhur poshtë këto thashetheme përmes një reagimi në Instastory në Instagram.
“E papranueshme, lajm i rremë”, shkruhet në fotografinë e publikuar nga Pogba ku shihet lajmi i The Sun.
Mësuesi Samuel Paty u sulmua rrugës për në shtëpi dhe iu hoq koka për shkak të fotografive të profetit.
Presidenti Macron e përshkroi vrasjen si sulm terrorist islamik i cili ia mori jetën mësuesit francez.
“Të qenët të bashkuar dhe të palëkundur janë përgjigjet e vetme ndaj monstruozitetit të terrorizmit islamist”, kishte thënë Macron.
Pogba thuhet t’i ketë vlerësuar komentet e Macronit si fyerje ndaj tij dhe ndaj myslimanëve francezë, posaçërisht duke e parë se islami është feja e dytë në Francë pas krishterimit.
(Kosova Sot Online)