Lexoni edhe:
David Marshall bëri një pritje të shkëlqyeshme të penalltisë për ta dërguar Skocinë në Euro 2020, por reagimi epik ‘vodhi gjithë shfaqjen’
Allegri refuzon PSG-në, është në pritje për drejtimin e gjigantit italian
Massimiliano Allegri vazhdon të mbetet një trajner i lirë edhe pse ka shumë oferta në drejtim të tij.
Së fundmi ka qenë kampioni në fuqi i Francës, Paris Saint Germain që kanë tentuar ta afronin italianin.
Drejtuesit e PSG-së nuk janë të kënaqur aspak me gjermanin Thomas Tuchel dhe dëshira e tyre e madhe mbetet Allegri.
Tekniku italian ka arritur suksese të mëdha me Juventusin, por ai tanimë është i lirë.
Ka qenë e përditshmja franceze Sport.fr që ka dhënë lajmin se italiani tanimë ka refuzuar parisienët.
Gjithnjë sipas këtij mediumi, dëshira e madhe e Allegrit është ta marrë drejtimin e Interit, pasi homologu i tij Antonio Conte nuk e ka të ardhmen e sigurt në krye të zikaltërve.
“Mund të kishte qenë një sfidë interesante, por Allegri ëndërron të stërvitë Interin tashmë dhe jo më PSG-në, me të cilën ka qenë në kontakte të vazhdueshme, edhe kur drejtonte në Torino”, ka shkruar Sport.fr.
Gjithsesi javët në vazhdim priten të jenë vendimtare për të ardhmen e Allegrit.
(Kosova Sot Online )
