Lexoni edhe:
Rrëfimi emocional me lot në sy i Tevez: Qaj edhe në zhveshtore për babanë tim gjatë ndeshjeve
Xhaka buzë kalimit në Interi, pasi Arsenalit i ofrohet Erikseni në shkëmbim
Interi ka shprehur gatishmëri t’ia ofrojë Arsenalit Christian Eriksenin në një marrëveshje shkëmbimi për Granit Xhakën, sipas mediave italiane.
Mesfushori shqiptar i Zvicrës, Granit Xhaka, mund t’i bashkohet Interit gjatë afatit kalimtar të janarit.
Eriksen ka hasur në vështirësi të mëdha për ta fituar besimin e trajnerit Antonio Conte që prej se iu bashkua
Interit në janar nga Tottenhami për 20 milionë euro.
Conte është i etur t’i shtojë opsionet në mesfushë dhe prioritet e ka N’Golo Kanten, por Chelsea ka refuzuar t’ia shesë zikaltërve fituesin e Kupës së Botës.
Sipas Corriere dello Sport, hierarkia e Interit po i mendon alternativat e Kantes dhe e ka Xhakën në listën e ngushtë për afatin kalimtar të janarit.
Interi madje ka dërguar ndërmjetësues të punojnë prapa skenave për ta parë interesimin e Arsenalit në Eriksenin, të cilin është i gatshëm t’ia ofrojë për Xhakën.
(Kosova Sot Online )
