Lexoni edhe:
Zidane ka besim në ekip: Real Madridi shkon për fitore në Inter
Pirlo e kritikon Dybalan: Paulo nuk luajti mirë
Trajneri i Juventusit, Andrea Pirlo, e ka kritikuar Paulo Dybalan për paraqitje të dobët në fitoren e bardhezinjve 2:1 kundër Ferencvaros të martën në Ligën e Kampionëve.
Dybala luajti vetëm 62 minuta dhe u largua për t’i lënë vend Alvaro Moratas, i cili e shënoi golin e fitores në çastet e fundit të ndeshjes në Allianz Stadium.
Sulmuesi argjentinas e pati një mundësi shumë të mirë në fillim të ndeshjes, por dështoi të shënojë.
Duke folur për paraqitjen e tij, Pirlo tha: “Dybala nuk luajti mirë. Ai ishte i lënduar dhe mori antibiotik për disa javë, prandaj është normale që i duhet kohë për ta kthyer formën”. Ai shtoi: “Dybala duhet t’i tejkalojë kufijtë e vet në stërvitje për ta rigjetur formën”.
(Kosova Sot Online )
