Pas Mike Tysonit, edhe një legjendë tjetër e boksit rikthehet në ring

  • S.A /
  • 02 December 2020 - 10:56
Pas Mike Tysonit, edhe një legjendë tjetër e boksit rikthehet në ring

Evander Holyfield, ish-kampioni i botës në kategorinë e rëndë, ka vendosur të rikthehet në ring për t’u përballur me Glenn McCrory në meçin e legjendave.

Ka kohë që Holyfield është në kërkim të një meçi ekzibicioni, edhe pse e kishte bërë të qartë se kurrë nuk do t’i kërkonte rivalit të vjetër, Mike Tyson, të bënin diçka së bashku.

Tyson u rikthye në ring javë më parë në një meç kundër Roy Jones Jr, i cili u mbyll pa fitues.

Sipas talkSPORT, Holyfield do të luftojë kundër McCrory, ish-kampionit të botës në cruiserweight.

“Fola në telefon me Holyfield dhe ai tha se do të luftojë kundër meje. Ai është frikësuar nga unë për 30 vjet, por tani ka vendosur të luftojë kundër meje. Po bëhet trim”, tha McCrory.

“Po shikojmë ta caktojmë meçin për prill”, konfirmoi ai.

Unë u bëra kampion pasi Evander kaloi një nivel më lart, në kategorinë e rëndë, e mora kurorën e lënë vakant nga ai dhe i thashë në telefon: ‘Pse shkove në kategorinë e rëndë? A kishe frikë nga unë?’ gjithmonë kam qenë në formë të mirë, jam ngjitur në bjeshkën e tetë më të lartë në botë dhe nëse e arrij këtë pa stërvitur, natyrisht se mund të luftoj kundër Evander”, shtoi ai.

(Kosova Sot Online )