Lexoni edhe:
Ish-gjyqtari spanjoll: Bilbaos iu mohua një penallti kundër Real Madridit, Garcia e meritoi të kuqin
Portieri e provokon Ronaldon para gjuajtjes së penalltisë, i kushton shtrenjtë
Janë disa lojtarë të caktuar të cilët thjesht nuk duhet të provokohen dhe një prej tyre është Cristiano Ronaldo, siç e zbuloi edhe portieri i Genoa, Mattia Perin.
Derisa ylli portugez po e vendoste topin në pikën e bardhë për ta gjuajtur një penallti për Juventusin në ndeshjen kundër Genoas, portieri Perin mendoi se do të ishte ide e mençur të sugjeronte se e dinte ku do të përfundonte goditja e tij.
“Poshtë, përsëri në mes?”, pyeti Perin.
Ndërsa, Ronaldo goditi topin në këndin e majtë të portës dhe menjëherë pas festes së tij, u kthye te portieri duke iu përgjigjur.
“Ku po shkon, Perin?”, bërtiti dy herë Ronaldo.
Ronaldo shënoi dy gola në ndeshjen kundër Genoas, e cila përfundoi me rezultat 3:1 për zonjën e vjetër.
(Kosova Sot Online )
