Lexoni edhe:
Ish-gjyqtari spanjoll: Bilbaos iu mohua një penallti kundër Real Madridit, Garcia e meritoi të kuqin
Pele më i mirë se Maradona, Messi i fundit në listën e më të mirëve – thotë ish-ylli i Argjentinës
Pele më i mirë se Maradona, Messi i fundit në listën e më të mirëve – thotë ish-ylli i Argjentinës
Ish-portieri i Argjentinës, Hugo Gatti, nuk frikësohet asnjëherë të bëjë deklarata të bujshme dhe kontroverse për legjendat e vendit të vet, Diego Maradona dhe Lionel Messi.
Gatti i ka lartësuar bashkatdhetarët e vet por ka këmbëngulur se legjenda braziliane Pele ka qenë më i mirë se ata.
“Më i miri ishte Pele, e kam shikuar atë shumë duke luajtur. Jam përballur me të. Maradona është në një nivel me Alfredo Di Stefanon, Johann Cruyff”, tha Gatti për Ole.
“Dallimi është se Pele, kur u pensionua, nuk e kishte një jetë kontroverse jashtë fushës si Maradona. Diego ishte shumë i mirë, por Pele më i miri nga të gjithë”, shtoi ai.
“Mendoj se ka qenë e pamundur të jesh si Diego, djalosh shumë i veçantë. Ai ishte si Zot në tokë, por në realitet ekziston vetëm një Zot”.
Gatti është kritik i shpeshtë i sulmuesit të Barcelonës, Leo Messi, dhe nuk e lëshoi rastin as këtë herë.
“Messi është më i miri i viteve të fundit, në këtë periudhë të futbollit, e cila është false, e cila nuk është futboll, e cila nuk është më futboll. Ata luajnë me VAR”, tha ai për Messin.
“Nuk po e sulmoj Messin. E kam thënë dhe gjithmonë do ta them se Messi është në listën time të lojtarëve më të mirë që i kam parë.. në vendin e fundit”, shtoi ai.
(Kosova Sot Online )
