Lexoni edhe:
Pamje: Hazard me gol mahnitës rabona në stërvitje
Ibrahimovic: Unë jam babagjyshi, u sjell dhurata 27 fëmijëve të mi
Sulmuesi i Milanit, Zlatan Ibrahimovic, e festoi sezonin e festave në stilin e vet, derisa foli për karakterin e vet dhe sezonin mbresëlënës deri tani.
Suedezi 39-vjeçar e shpjegoi rolin e tij në familje dhe në skuadrën e Milanit.
“Unë jam babagjyshi, jam unë ai i cili u sjell dhurata të gjithë 27 fëmijëve të mi: dy janë në Suedi dhe 25 të tjerët në Milanello”, tha Ibrahimovic në një intervistë për SportWeek.
“Këtë vit kemi marrë shumë lëvdata për atë që e kemi bërë dhe që po e bëjmë. Nuk e di nëse është arritur falë meje, por unë kam bërë diçka, i kam sjellë diçka skuadrës”.
“Kur erdha këtu janarin e kaluar, Milani ishte i 12-ti, tani jemi në krye dhe po dëshmojmë se jemi pjesë e elitës dhe tani duhet të vazhdojmë kështu”, shtoi ai.
Ibra foli edhe për karakterin e vet, i cili e dallon shumë nga të tjerët.
“Unë jam egocentrik, nëse nuk do ta vendosja veten para çdo gjëje, nuk do të isha këtu. Ekziston vetëm një Ibra, apo jo? Unë”.
(Kosova Sot Online )
