Lexoni edhe:
Loriana Kuka mposhtet nga ish-kampionia e botës në gjysmëfinale, tani kërkon medalje përmes ‘repechage’
Mastersi i Dohas: Loriana Kuka një fitore larg medaljes së bronztë
Loriana Kuka është vetëm një fitore larg medaljes së bronztë në Mastersin e Dohas, pasi e ka mposhtur xhudisten kubane Kalimea Antomarchi të mërkurën në repechage.
Xhudistja kosovare Kuka nuk hasi në vështirësi të mëdha për ta mundur kubanen në luftën gjysmëfinale për medaljen e tretë më të mirë në turneun e Katarit në kategorinë deri në 78 kilogramë.
23-vjeçarja nga Peja e hodhi në dysheme Kalimean dhe shënoi pikë ippon.
Në finale për medaljen e bronztë, Kuka do të përballet me garuesen britanike Natali Powell.
Ajo do të kërkojë ta bëjë atë që e bënë bashkatdhetaret e veta Distria Krasniqi, Majlinda Kelmendi dhe Nora Gjakova, dhe t’i sjellë Kosovës medalje nga Katari.
Kosova i fitoi tri medalje në ditën e parë të Mastersit të Dohas.
Krasniqi e fitoi medaljen e artë, ndërsa Kelmendi dhe Gjakova i fituan të bronztat.
Dje garoi edhe Akil Gjakova, i cili megjithatë dështoi në përpjekjet e tij për të fituar medalje.
(Kosova Sot Online )