Lexoni edhe:
Kompania pornografike i ofron Interit marrëveshje prej 23 milionë euro për fanellën
Për herë të parë pas 16 vjetëve, Ronaldo dështon të shënojë gol në fazën e nokautit
Për herë të parë pas plot 16 vjetëve, Cristiano Ronaldo ka dështuar të shënojë gol në fazën e eliminimit direkt në Ligën e Kampionëve.
Hera e fundit kur sulmuesi i Juventusit Ronaldo nuk shënoi në këtë fazë ishte koha kur ai ishte 20-vjeçar, kur Manchester Unitedi i tij u eliminua nga Milani.
Që prej atëherë, 36-vjeçari nuk ishte larguar nga asnjë garë e Ligës së Kampionëve pa shënuar nga rrethi i 16 më të mirëve, deri në mbrëmjen e së martës kur Porto e eliminoi Juventusin.
Ishte Federico Chiesa ai që i shënoi golat e Juventusit në të dy ndeshjet e 1/8 së finales.
Ronaldo nuk bindi në këto dy ndeshje dhe madje u akuzua si fajtori kryesor për golin që e eliminoi Juventusin, pasi ia ktheu shpinën topit dhe e lejoi atë të dëpërtojë mes këmbëve të tij para se të përfundonte në rrjetë.
Që prej se iu bashkua Juventusit më 2018, Ronaldo i ka shënuar pesë gola në fazën e eliminimit direkt.
(Kosova Sot Online )
