Rinovimi i Messit: Ende asgjë pas një muaji të zgjedhjes së Laportas president

  • S.A /
  • 08 prill 2021 - 14:14
Rinovimi i Messit: Ende asgjë pas një muaji të zgjedhjes së Laportas president

Zgjedhjet presidenciale të Barcelonës u zhvilluan më 7 mars dhe, më shumë se një muaj nga fitorja e Joan Laportas, nuk ka pasur asnjë ndryshim të vërtetë në lidhje me situatën e Lionel Messit.

Ka afrimitet të qëndrimeve nga të dy palët, por gjithçka mbetet e qetë dhe siç ishte në ditën e parë kur Laporta u zgjodh president i klubit.

Kjo nuk do të thotë që puna nuk është bërë në sfond, sidoqoftë. Burimet e klubit zbulojnë se po punohet për një propozim, i cili do t’i paraqitet argjentinasit.

Laporta dëshiron që së pari të bëjë detyrat e shtëpisë dhe të sigurojë që ai do të jetë në gjendje të mbajë cilindo premtim dhe propozim që zyrtarisht i ofron Messit. Në këtë pikë, pra, presidenti i ri po studion në detaje situatën e pasigurt ekonomike të klubit.

Presidenti i ri po shikon edhe mundësitë e tjera në tregun e transferimeve. 

Babai dhe agjenti i Erling Haaland vizituan publikisht Barcelonën javën e kaluar, por Laporta po punon edhe për detaje të tjera që nukjanë publikuar në media. 

(Kosova Sot Online )