“Fle më mirë kur s’mendoj për Neymarin dhe Mbappen” – Guardiola synon ta ndalë dyshen e PSG-së

  • S.A /
  • 28 prill 2021 - 10:24
“Fle më mirë kur s’mendoj për Neymarin dhe Mbappen” – Guardiola synon ta ndalë dyshen e PSG-së

Pep Guardiola ka bërë shaka se mendimet rreth Neymarit dhe Kylian Mbappes e kanë mbajtur zgjuar gjatë natës para gjysmëfinales së Manchester City  kundër Paris Saint-Germain në Ligën e Kampionëve.

Trajneri i City, i cili po përgatitet për gjysmëfinalen e parë evropiane që prej se iu bashkua klubit pesë vite më parë, thotë se kampioni francez është kërcënim i madh në çdo cep të fushës.

City nuk përballet me asnjë mungesë për këtë ndeshje dhe Guardiola thotë se lojtarët e tij duhet ta luajnë stilin e lojës së vet, duke mos u mbrojtur shumë mbrapa, për shkak të inteligjencës së sulmuesve të PSG-së.

Duke folur para ndeshjes së parë gjysmëfinale në Parc des Princes të mërkurën, Guardiola e nënvizoi rrezikon që përbejnë Mbappe dhe Neymar.

 “U përpoqa të fle mirë mbrëmë dhe fjeta vetëm kur nuk mendoja më për lojtarët e tyre (Mbappe dhe Neymar)”, tha Guardiola.

Ai shtoi: “Ne do të tentojmë t’i ndalim ata duke u mbrojtur si ekip dhe duke luajtur si ekip. Duhet t’i përshtatim ca gjëra, natyrisht, por në të njëjtën kohë, nuk do të kishte kuptim të mos jemi ata që jemi në fushë”. 

(Kosova Sot Online )