Pamje: Lyon-Monaco përfundoi me rrahje masive dhe 5 kartonë të kuq

  • S.A /
  • 03 May 2021 - 10:56
Pamje: Lyon-Monaco përfundoi me rrahje masive dhe 5 kartonë të kuq

Lyoni e ka mundur Monacon në një ndeshje të prishur nga një përleshje masive në çastet e fundit të ndeshje, që për pasojë i pati pesë karton të kuq.

Mattia De Sciglio dhe Marcelo nga Lyoni dhe Pietro Pellegrini dhe Willem Geubbels u përjashtuan me kartonë të kuq në minutën e 96-të, pasi një përleshje e madhe dhe e pakontrolluar shpërtheu mes lojtarëve në fushë.

Maxence Caqueret i Lyonit ishte përjashtuar me të kuq 20 minuta para përfundimit të ndeshjes.

17-vjeçari i talentuar Rayan Cherki ia siguroi Lyonit fitoren 3:2 me një gol në minutën e 89-të, pasi paraprakisht kishin shënuar Memphis Depay dhe Marcelo.

Kjo fitore ia ngjall Lyonit shpresat për ta siguruar pjesëmarrjen në Ligën e Kampionëve, derisa ia humb shpresat Monacos për titull në Ligue 1.

Për Monacon kishin shënuar Kevin Volland dhe Wissam Ben Yedder.

(Kosova Sot Online )