Ylli i Interit bën fushatë për lirinë e Palestinës, pas dhunës në Jerusalem

Mbrojtësi i Interit, Achraf Hakimi, është duke bërë fushatë në rrjetet sociale për lirinë e Palestinës, pasi u përshkallëzua gjendja mes palestinezëve dhe Izraelit të hënën mbrëma. Nëntë palestinezë u vranë si pasojë e sulmeve ajrore izraelite, të cilat u bënë si përgjigje ndaj raketave të grupeve palestineze mbi Izraelin. Izraeli u përgjigj me sulme ajrore në territorin bregdetar palestinez, pasi grupet militante në Gaza kishin gjuajtur me raketa në drejtim të Izraelit.

Lexoni edhe:

Çfarë ka ndodhur me Ronaldon? Asnjë goditje në portë kundër Milanit, madje as prekje të topit në zonë

Paraprakisht, një sulm i policisë izraelite në xhaminë al-Aqsa i lëndoi qindra palestinezë. 

Mbrojtësi i djathtë i Interit, Hakimi i postoi dy mesazhe në Twitter të hënën, duke kërkuar liri për Palestinën.

Njëri prej postimeve është një video e një aktivisteje, më gjasë e arrestuar nga policia izraelite, që flet me një oficer.

“A dëshironi që fëmijët tuaj t’i mbrojnë tiranët” e pyet ajo oficerin izraelit.  

“Mbase keni familje dhe fëmijë. A është kjo ajo që ju keni dashur të ishit si i ri, kur ishit fëmijë?” pyet ajo.

 

(Kosova Sot Online )