Lexoni edhe:
Beteja me nepotizmin dhe punësimin klientelist, test në institucionet publike
Benzema e “konfirmon” se do të jetë pjesë e Francës për Kampionatin Evropian
Karim Benzema pritet të jetë në listën e futbollistëve të ftuar nga Franca për Kampionatin Evropian që nis më 11 qershor.
Mediumi i njohur francez, Le Parisien raporton se në listën që Didier Deschamps do ta publikojë sonte do të jetë edhe emri i sulmuesit të Real Madridit.
Nga ana tjetër, sulmuesi i Real Madridit e ka ndryshuar biografinë në profilin e tij në Twitter.
Ai ka shtuar edhe llogarinë e ekipit të Francës përkrah atij të Real Madridit.
Benzema ishte përjashtuar në vjeshtën e vitit 2015, për shkak të një videoje me pullë të kuqe të Valbuena, të cilit i ishte bërë shantazh më pas për të përfituar para.
Sulmuesi 33-vjeçar pati një sezon të mrekullueshëm me Real Madridin në nivel personal dhe nisën hipotezat për një rikthim në kombëtare pas më shumë se pesë viteve.
(Kosova Sot Online )
