Lexoni edhe:
VETTING-u një mjetë i fundit në drejtësi, kur sistemi rrëshqet tërësisht jashtë ligjit
E kryer, Atletico Madrid fiton garën për Rodrigo de Paul
Rodrigo de Paul do të rikthehet përsëri në La Liga, por kësaj radhe jo te Valencia. Atletico Madrid ka fituar garën për të nënshkruar me mesfushorin argjentinas, pasi tanimë ka gjetur marrëveshje me Udinesen.
Fabrizio Romano ka raportuar se Los Colchoneros janë pajtuar të paguajnë 35 milionë në drejtim të Udineses për mesfushorin argjentinas.
Kësisoj kampioni në fuqi i Spanjës ka fituar garën për lojtarin me gjigantët italianë si Juventus, Inter e Milan.
Marrëveshja mes lojtarit dhe Atleticos ka ekzistuar më parë, derisa ai do të prezantohet pas përfundimit të Copa America.
27-vjeçari do të nënshkruajë një kontratë pesë vjeçare me Atleticon.
De Paul pati një sezon fantastik me Udinesen, ku shënoi nëntë gola dhe bëri 10 asistime.
(Kosova Sot Online )
