Lexoni edhe:
Gjashtë lëvizje dhe dy mistere që pritet të ndodhin gjatë këtij afati të verës në futboll
Mourinho: “Të dashurat e lojtarëve do të mërziten me mua”
Roma arriti një fitore të vështirë mbrëmë në Conference League ndaj Trabzonspor me shifrat 2-1.
Pas ndeshjes për mediat foli trajneri Jose Mourinho, i cili pati disa fjalë edhe për merkaton dhe objektivat e ekipit.
Portugezi “qau” largimin e Dzekos dhe dëmtimin e Spinazzolas, të cilët është dashur t’i zëvendësojë në merkato.
Mourinho do tituj, por paralajmëron edhe humbje në këto fillime të tij te Roma.
“Skuadra do flejë në Trigoria nga sonte për të përgatitur më pas ndeshjen me Fiorentinan. Ndoshta të dashurat e lojtarëve nuk do jenë të kënaqura për zgjedhjen time, por mendoj se është e drejtë ta bëj këtë sepse pushimet kanë mbaruar”, tha ai mbrëmë.
“Futbolli luhet për të fituar tituj dhe jo vetëm për t’u argëtuar. Sezonin e shkuar ishim larg majës. Këtë verë klubi bëri një merkato reaguese, diçka që nuk ishte parashikuar, duke parë dëmtimin e Spinazzolas dhe largimin e papritur të Dzekos”.
“Diçka mungon, por shpresoj të vijë. Në këtë sezon do të vijnë disa humbje, por ne gjithmonë do luajmë për të fituar”.
(Kosova Sot Online)
