Zyrtare: Bersant Celina rikthehet te Ipswichi

  • S.A /
  • 31 August 2021 - 10:05
Zyrtare: Bersant Celina rikthehet te Ipswichi

Ipswich Town ka konfirmuar se ka transferuar Bersant Celinën në formë huazimi nga Dijoni.

Reprezentusi i Kosovës do të qëndrojë me skuadrën ku ishte edhe në të kaluarën për një sezon.

Celina bëhet transferimi i 18-të i tyre në këtë verë, e që ata duan të ndërtojnë një skuadër të fuqishme. Përmes një njoftimi në rrjetet sociale, Ipswich bëri të ditur se 24-vjeçari kishte paraqitje të mira edhe herën e kaluar kur ishte në huazim nga Manchester City, andaj vendosën që edhe tani ta kenë në huazim.

Kujtojmë se lojtari shqiptar karrierën profesionale e kishte filluar te Citizens, duke u huazuar më pas te Twente, duke iu bashkuar më pas Swanseas, për të kaluar më pas te Dijoni, skuadër kjo që aktualisht e posedon kartonin e tij. 

(Kosova Sot Online )