Lexoni edhe:
Zbulohet afera me e re kriminale e Shpend Ahmetit me kompanitë ndërtimore për përfitim disa dhjetra-milionësh në fund të mandatit! Ku është PSRK dhe Qeveria qendrore?
Ish-anësori i Bayern Munich dhe Fiorentinas, Franck Ribery thuhet se është në prag të bashkimit me ekipin e promovuar këtë vit në Serie A, Salernitanan.
Veterani duket se do të qëndrojë në Serie A dhe mund të nënshkruajë me ekipin italian jashtë tregut të transferimeve për shkak të statusit të tij si lojtar i lirë. Ribery u largua nga Artemio Franchi pas sezonit 2020-21 dhe ka qenë pa klub që nga fundi i qershorit.
38-vjeçari u stërvit me Bayern Munich gjatë verës dhe ka qenë i lidhur me klube në Serie A, përfshirë Hellas Verona. Por gazetari i SportItalia, Alfredo Pedulla zbulon se ai është në prag të bashkimit me Salernitanan dhe është vetëm formalitete larg përfundimit të lëvizjes.
Ribery, i cili fitoi Ligën e Kampionëve gjatë kohës së tij me Bayern në Gjermani, mori nëntë tituj të Bundesligës dhe gjashtë DFB-Pokal.
Ai u votua si lojtari më i mirë në Evropë nga UEFA në 2013 dhe duket se do të zgjasë karrierën e tij në Serie A.
Anësori luajti 51 herë për Fiorentinën gjatë dy viteve të tij në Firence, duke u shfaqur 50 herë në Serie A.
(Kosova Sot Online )