Lexoni edhe:
Presidenti i La Ligas: Reali mund t’i blejë Mbappen dhe Haalandin verën tjetër
Shevchenko: Atletico Madridi dhe Liverpooli të pafat që u ra shorti me Milanin
Ish-ylli i Milanit, Andriy Schevchenko beson se Liverpooli ka qenë i pafat që i ra shorti me Rossonerët në fazën e grupeve të Ligës së Kampionëve këtë sezon.
Milani ka filluar sezonin e ri me tre fitore kundër Sampdorias, Cagliarit dhe Lazios, dhe ish-lojtari, i cili fitoi Topin e Artë në 2004, i pëlqen loja e ekipit.
Shevchenko luajti për 322 ndeshje për Rossonerët, duke shënuar 175 gola, pasi fitoi një Scudetto, Kupën e Italisë dhe Ligën e Kampionëve gjatë kohës së tij në San Siro.
“Ata janë një ekip i gjallë, me ritëm të madh,” tha Shevchenko për La Gazzetta dello Sport. “Një ekip që është i këndshëm për tu parë, luan lehtë dhe po aq lehtë arrin të ndërtojë aksione të shkëlqyera.
“Ata krijojnë, luajnë vertikalisht, gjithmonë përpiqen të kontrollojnë dhe kanë shumë zgjidhje. Më pëlqen skuadra, ata do të jenë atje deri në fund për të provuar dhe fituar Scudetto -n”.
Por , ukrainasi beson se ka shumë rivalë për titullin këtë sezon duke aluduar në Interin, Napolin, Romën dhe Juventusin si pretendentët kryesorë për Scudetto në sezonin 2021-22.
Këtë javë Milani kthehet në Ligën e Kampionëve me një ndeshje kundër Liverpoolit dhe Shevchenko foli për grupet ‘më të vështira nga të gjitha’ në kompeticion.
Rossonerët janë në grup me Liverpool, Atletico Madrid dhe FC Porto në fazën e grupeve dhe Shevchenko tha se nuk do të jetë një dështim nëse ata nuk do të kualifikohen.
“Grupi i tyre është më i vështiri nga të gjithë,” shtoi ai. “Nuk është dështim nëse eliminohen, nuk mund të konsiderohet kurrë e dështuar.
“Ekipi është konkurrues dhe ka një shans për të kaluar. Dhe pastaj le ta shikojmë edhe nga ana e kundërshtarëve: shorti me Milanin për ekipet tjera është fat i keq”, tha Shevchenko.
(Kosova Sot Online)
