Lexoni edhe:
Plani para-Vetting i pastrimit të drejtësisë të fillon të zbatohet tani!
“Ai e ka refuzuar disa herë ftesën, ndoshta do të përqendrohet te klubi i tij. Më vjen shumë keq, sepse Xhaka mund të na jepte një dorë të mirë në këto dy ndeshje”. Kështu e shpjegoi para dy ditësh trajneri Edy Reja mungesën e Taulant Xhakës në listën e publikuar prej tij.
Një ditë më pas, pasi pati njëlloj “fushate” në rrjetet sociale kundër tij, ka reaguar vetë mesfushori i FC Basel.
Në një prononcim për “RTSH Sport”, ai ka mohuar t’ia ketë mbyllur dyert kombëtares: “Taulant Xhaka kurrë nuk e ka refuzuar kombëtaren! I kam thënë Bulkut se nuk jam akoma në 100% të formës, pas dëmtimit. Në këto kushte, më mirë ishte që të merrnin një lojtar tjetër që është plotësisht gati. Unë nuk paskam dhënë asnjë arsye për mungesën në kombëtare?
Plani para-Vetting i pastrimit të drejtësisë të fillon të zbatohet tani!Lexoni edhe:
Këto janë gënjeshtra dhe nuk e di pse dalin. Nuk është aspak e vërtetë që e kam refuzuar kombëtaren, por isha 1 vit i lënduar dhe nuk jam 100% në formë. Nuk dua të rrezikoj prapë që të lëndohem. Në këtë mënyrë, i kam dhënë shansin një lojtari të ri që të grumbullohet”, ka thënë Xhaka.
Ja çfarë tha dje Edy Reja për këtë çështje: “Më vjen keq për Xhakën, sepse për cilësitë që ka do të na jepte një dorë shumë të mirë në këto dy ndeshje. Megjithatë, ai e ka refuzuar ftesën. Unë e kam ftuar disa herë, edhe vitin e kaluar, edhe së fundi, por nuk është përgjigjur pozitivisht, kështu që është e kotë të vazhdoj të shpresoj dhe t’i dërgoj ftesa për faktin se nuk po vjen. Nuk na e ka thënë pse nuk vjen, ndoshta ka vendosur të fokusohet te klubi. Më vjen keq, pasi është një lojtar me eksperiencë, por faktet janë këto”.
(Kosova Sot Online )