Lexoni edhe:
Asociacion të rrezikshëm të komunave me shumicë serbe JO, bashkimi me Shqipërinë PO!
Kjaer, i hapur për vazhdimin e kontratës me Milanin
Qendërmbrojtësi me përvojë danez mund të luajë edhe për një vit tjetër me “Rossoneri”. Ai po e pret vetëm ofertën nga drejtuesit e klubit. Simon Kjaer është deklaruar hapur se do të donte ta vazhdojë kontratën me Milanin.
Përfaqësuesi danez ka kontratë me “Rossoneri” deri në vitin 2022.
Por, qendërmbrojtësi me përvojë nuk e ka fshehur dëshirën për të luajtur edhe një sezon tjetër në “San Siro”.
“Unë nuk jam afër vazhdimit të kontratës me Milanin. Por, unë jam jashtëzakonisht i lumtur që luaj për ‘Rossoneri’. Ndihem mirë, dëshiroj të luaj dhe po e shijoj jetën në Milan. Klubi e di pozicionin tim. Kur ata duan ta zgjidhin çështjen, ata e dinë se mund të më thërrasin”, ka thënë mbrojtësi danez.
Kjaer ka shfaqur siguri në mbrojtjen e Milanit që kur u transferua nga Sevilla.
Në të kaluarën ai ka luajtur edhe në ekipet si Midtjylland, Palermo, Wolfsburg, Roma, Lille, Fenerbahçe e Atalanta.
(Kosova Sot Online )
