Lexoni edhe:
S’ka probleme për Brojën, sulmuesi kuqezi stërvitet me Southampton
Ibrahimovici s’e ka ndër mend të ndalet, e pret kontrata e re
Milan është skuadra e cila po mendon më shumë për rinovimet me lojtarët kryesorë të ekipit. Përveç lojtarëve te Milani çështje ditës është edhe rinovimi me trajnerin Stefano Pioli.
Gjithashtu afër rinovimeve janë edhe lojtarë si Hernandez, Bennacer, Leao, por nuk ngelet prapa as Zlatan Ibrahimovic.
Sipas “ La Gazzeta dello sport”, drejtuesit e kuqezinjve janë gati të rinovojnë me Ibran. 40-vjeçari pavarësisht moshës së tij ka arrit të lërë gjurmë tek Milan dhe të jetë një pikë kryesore e skuadrës në sulm.
Siç duket Zlatan nuk njeh moshë, dhe për këtë janë të bindur edhe drejtuesit e klubit italian të cilët mendojnë t’i ofrojnë zgjatjen e kontratës të paktën edhe për një vit, nëse lojtari arrin të përballojë ngarkesën fizike.
Pasi Milan të mbarojë punë me të gjitha rinovimet sipas të përditshmes italiane do ulen të bisedojnë me Ibran për të zgjatur kontratën deri në fund të vitit 2023, nëse palët bien dakord me kushtet e ofruara.
(Kosova Sot Online )
