Lexoni edhe:
Ancelotti: Modric, Kroos dhe Casemiro bëjnë gjëra që unë s’iu them t’i bëjnë
Zinedine Zidane i kthen përgjigje Manchester Unitedit
Zinedine Zidane nuk është i interesuar ta marrë drejtimin e skuadrës së Manchester Unitedit tani për tani, pasi gjiganti i Premierligës e kishte kontaktuar francezin për postin e trajnerit.
Unitedi është në kërkim të një trajneri të ri, pasi të dielën e shkarkoi trajnerin e deritanishëm Ole Gunnar Solskjaer pas humbjes 4:1 kundër Watfordit të shtunën.Zidane u largua nga posti i trajnerit të Real Madridit për herë të dytë në maj të këtij viti.
Ai i fitoi tre trofe radhazi në Ligën e Kampionëve nga viti 2016 me Madridin.
Pasi u largua më 2018, Zidane u kthye në Bernabeu dhe e fitoi La Ligën dhe Superkupën e Spanjës më 2020.
Por ai nuk dëshiron ta udhëheqë Unitedin në këtë kohë, sipas burimeve të BBC-së.
Përveç Unitedit, interesim për të kanë shfaqur edhe Kombëtarja e Francës dhe Paris Saint-Germain. Sipas BBC-së, Zidane po mendon ta marrë drejtimin e njërës prej këtyre dy ekipeve kurdo që t’i jepet mundësia.
Mauricio Pochettino, për të cilin është folur tash e një kohë se mund t’i bashkohet Unitedit, e ka besimin e plotë të PSG-së.
(Kosova Sot Online )
