Lexoni edhe:
Është shumë herët të flitet për sukseset e qeverive të ardhshme lokale, koalicionet e reja në pritje për lidhje të interesave klanore e politike!
Dimitri Payet ka munguar në stërvitjen e Marsielles mëngjesin e sotëm, një ditë pasi u godit dhunshëm në kokë me një shishe uji nga një tifoz, në një incident që çoi në braktisjen e ndeshjes me Lyonin të dielën.
Sulmuesi i Marseille Payet u godit në kokë me një shishe të mbushur plot ujë nga një tifoz vendas kur shkoi për ta rivënë topin në lojë nga goditja e këndit në minutën e 5-të në Stadiumin Groupama.
Gjyqtari i urdhëroi lojtarët t’u ktheheshin në zhveshtore menjëherë dhe ndeshja u ndërpre përkohësisht për rreth dy orë, para se gjyqtari të vendoste përfundimisht për anulimin e saj.
Duke folur pas anulimit të ndeshjes, presidenti i Marseille, Pablo Longoria, tha se Payeti u prek fizikisht dhe mendërisht nga ky incident.
“Dimitri është i prekur mendërisht, kjo nuk është normale. Ne gjithmonë e kemi dënuar çdo lloj dhune, sepse e prek çdokënd. Të gjithë ata që e duan futbollin nuk mund të jenë të lumtur sonte. Ishte goditje e dhunshme, nga e cila ai u prek dhe iu desh të vendosë akull në kokë në zhveshtore”, tha Longoria.
Si pasojë e përjetimeve të mbrëmshme, Payet nuk mori pjesë në stërvitjen e sotme të Marseille. Seanca stërvitore nisi në orën 11:30 dhe Payet nuk u pa fare në qendrën stërvitore, sipas mediave franceze.
Tifozi që e hodhi shishën plot ujë në kokën e yllit francez është arrestuar menjëherë pas incidentit dhe është dërguar në mbajtje.
(Kosova Sot Online )