Lexoni edhe:
Është koha për të vepruar, për ta shkëputur drejtësinë nga lidhja dhe nënshtrimi ndaj krimit të organizuar!
Algjeria e ka mposhtur 2:1 Katarin në një gjysmëfinale të egër në Kupën Arabe, me një gol të shënuar në minutën e 17-të të kohës shtesë të mërkurën vonë.
Mohammed Belaili shënoi nga një top i kthyer në minutën e 107-të të ndeshjes, pasi goditja e tij nga penalltia ishte pritur fillimisht nga portieri i Katarit Saad Alsheeb.
Goli i Belailit e çoi Algjerinë në finale, ku do të përballet me Tunizinë të shtunën në Stadiumin Al-Bayt në Katar.
Benlamri Djamel e kishte kaluar Algjerinë në epërsi ndaj vendasve në minutën e 60-të, dhe dukej se ai gol do të mjaftonte për t’i dërguar ata në finale.
Megjithatë, pasi gjyqtari tregoi se do të kishte nëntë minuta shtesë, Katari e shfrytëzoi këtë dhe Mohammed Muntari shënoi me kokë për ta barazuar rezultatin në 1:1 në minutën e 97-të.
Rishikimi i golit të Muntarit në VAR e zgjati kohën shtesë, ku pati edhe një kthesë tjetër të papritur, pasi Algjeria fitoi penallti në minutën e 105-të.
Goditja e Belailit nga pika e bardhë u pritur nga portieri, por ai ia doli të shënojë nga topi i kthyer kur akrepat shënonin minutën e 17-të shtesë.
Algjeria do të përballet me Tunizinë në finalen e së shtunës, e cila e mundi 1:0 Egjiptin në gjysmëfinale tjetër.
Youcef Belaili vs Qatar ?? - FIFA Arab Cup
— Algeria Comps?? (@CompsAlgeria) December 15, 2021
Man of the Match ⭐️pic.twitter.com/M13XXlyflC
(Kosova Sot Online )