Lexoni edhe:
Arteta infektohet me Covid-19 për herë të dytë, mungon kundër Man Cityt më 1 janar
City e Chelsea e synojnë shkëputjen sonte
“Citizens” do ta vizitojnë Brentfordin, kurse “Blues” i bëjnë konak Brightonit. Manchester City dhe Chelsea do të zbresin sonte në fushën e blertë për t’i zhvilluar ndeshjet e xhiros së 20-të.
Dy ekipet do ta synojnë shkëputjen nga Liverpooli, i cili dështoi mbrëmë duke u mposhtur nga Leicester City.
Kampioni aktual anglez i ka gjashtë pikë më shumë se “Reds” dhe “Blues”.
Prandaj, sonte me një fitore eventuale do ta thellonte distancën, sidomos ndaj Liverpoolit.
Ekipi i Pep Guardiolës është në formë kulmore dhe është favorit për ta fituar lojën.
Sidoqoftë, Brentfordi do të mundohet ta nxjerrë së paku një barazim në shtëpi.
Kjo ndeshje do të fillojë në orën 21:15.
E fitoren sonte e kërkon edhe Chelsea, për t’ia rrëmbyer Liverpoolit vendin e dytë.
Kampionët e Evropës do t’i bëjnë konak Brightonit në “Stamford Bridge”.
Chelsea ndërkohë nuk guxon të gabojë nëse dëshiron të mbetet në luftë për titull pasi është gjashtë pikë prapa liderit, City.
Brightoni nga ana e tij do të tentojë ta marrë një pikë ndaj “Blues”.
Kjo ndeshje do të fillojë në orën 20:30.
(Kosova Sot Online )
