Lexoni edhe:
Goli fantastik i Marash Kumbullës, Mourinho po e shndërron në lider
Fati i pafat, lëndohet sërish dhe shpërthen në lot teksa largohet nga fusha
Nuk po ia do. Ansu Fati është ndalur sërish. Talenti i Barcelonës, që pritej të shkëlqente, sidomos pas largimit të Lionel Messit, po qëndron më shumë në infermieri sesa në fushë. Lëndimet e shumta dhe të rënda ia kanë pamundësuar atij që të luajë disa ndeshje me radhë dhe të tregojë cilësitë e tij. Fati, që sapo ishte rikthyer nga lëndimet e njëpasnjëshme, u dëmtua sërish në Kupën e Mbretit kundër Athletic Bilbaos.
Ai u detyrua të lërë fushën e lojës në minutën e 95-të, kur Barça po barazonte 2-2 me Bilbaon. Fati, i zemëruar me lëndimet e shumta që s’po e lënë rehat, u largua mes lotëve nga fusha. Kësaj radhe, lëndimi i Fatit është tërheqja muskulore, që të paktën do ta lërë tre javë jashtë fushave.
1 / 1
(Kosova Sot Online )
