Lexoni edhe:
Xavi i prerë në qëndrimin e tij: Dembele nuk luan më për Barçën edhe nëse qëndron
Roma po tenton përsëri për Xhakën, transferimi mund të ndodhë në ditën e fundit
Granit Xhaka – Roma, është një dashuri e madhe në distancë që ende nuk janë bashkuar, edhe pse dëshira mes palëve është e madhe.
Në fakt më mirë mund të thuhet që kjo dashuri është mes Xhakës dhe trajnerit portugez Jose Mourinho që po e kërkon me ngulm.
Portugezi e kishte bërë prioritet transferimin e prishtinasit në verë, por Arsenali refuzoi çdo ofertë të Romës për të.
Mediat e ndryshme në Itali dhe Angli kanë raportuar se Roma nuk është dorëzuar për transferimin e Xhakës dhe po tenton transferimin e tij edhe në janar.
Arsenali është gati ta lejoj largimin e Xhakës, por po pret që fillimisht të transferojë një futbollist dhe në listën e tyre janë Arthur e Ruben Neves.Në rast se Arsenali do të blejë një mesfushor, atëherë Roma do të nisë një ofertë në ditën e fundit të tregut të transferimeve për transferimin e Xhakës.
Besohet se Topçinjtë do ta lejojnë largimin e kosovarit për një shumë prej 20 milionë eurove.
(Kosova Sot Online )
