Lexoni edhe:
Zyrtare: Erikseni rikthehet në futboll duke nënshkruar me klubin e Premierligës
Ramosi assesi të gjejë rehati në Paris
Sergio Ramosi nuk po ia del ta gjejë assesi rehati në Paris Saint-Germain, për shkak të lëndimeve të shpeshta që prej se kaloi në kryeqytetin francez në verë. Ramos është në dyshim për përballjen e PSG-së me ish-klubin e tij Real Madrid në 1/8 e finales në Ligën e Kampionëve në shkurt. Qendërmbrojtësi veteran e ka lënduar pulpën e këmbës dhe do t’iu nënshtrohet testeve shtesë në ditët në vijim. Mediat franceze raportuan të dielën se Ramosi u detyrua t’i braktisë stërvitjet në fundjavë për shkak të telasheve me pulpën e këmbës dhe kjo u konfirmua më vonë nga klubi.
“Sergio Ramosi duhet të pushojë për shkak të një lëndimi të shkallës së ulët në pulpën e djathtë, i cili ndodhi gjatë stërvitjes të enjten. Ai do të ritestohet në mesjavë”, ka thënë PSG-ja. Si pasojë, ai do të mungojë për PSG-në në përballjen e Nice në Kupën e Francës të hënën. Ramosi i ka bërë vetëm pesë paraqitje për gjigantin francez në të gjitha garat deri tani këtë sezon, për shkak të lëndimeve të vazhdueshme.
(Kosova Sot Online )
