Plot oferta për Eriksenin, gjatë verës mund të largohet nga Brentfordi

  • S.A /
  • 14 April 2022 - 11:22
Plot oferta për Eriksenin, gjatë verës mund të largohet nga Brentfordi

Christian Eriksen është bërë objektiv i klubeve të njohura falë paraqitjeve të shkëlqyeshme me Brentfodtin. Futbollisti danez u rikthye në fillim të vitit pas sulmit në zemër që e kishte pësuar verën e kaluar në Kampionat Evropian. Megjithatë, ai i shtrëngoi dhëmbët dhe e vazhdoi karrierën pasi e vendosi një defibrilator në zemër. Tash, Eriksen po e gëzon një formë të shkëlqyeshme, ndërsa u rikthye edhe në Kombëtaren e Danimarkës. Dhe, mediat britanike shkruajnë se paraqitjet e mira ish-futbollistit të Ajaxit, Tottenhamit dhe Interit do t’i shpërblehen gjatë verës që vjen.

Në fakt, mesfushori kreativ pritet të largohet nga Brentfordi, shkruan “Northern Echo”, Atij ia kanë vënë syrin disa klube të Premierligës si Newcastle, Evertoni, West Ham Unitedi dhe ish-klubi i tij, Tottenham.  Mbetet të shihet nëse Eriksen do t’i mbetet besnik Brentfordit apo do ta bëjë një hap përpara, duke iu bashkuar një klubit më të madh anglez. 

(Kosova Sot Online )