Lexoni edhe:
Goli mjeshtëror i shënuar nga Bersant Celina nominohet për çmimin “Goli i sezonit”
Xhaka shënon në fitoren e Arsenalit ndaj Man Unitedit, “Topçinjtë” marrin pozitën e katërt
Arsenali ka vazhduar me fitore në Premier Ligë, duke vazhduar kështu edhe garën për pozitën e katërt në tabelë. Pas fitores në derbin ndaj Chelesas, skuadra e drejtuar nga Mikel Arteta e ka fituar edhe derbin ndaj Manchester Unitedit. Ndeshja e javës së 34-të e zhvilluar sot në “Emirates Stadium” ka përfunduar me rezultatin 3:1. Nuno Tavares (3’), Bukayo Saka (20’ nga penalltia) dhe Granit Xhaka (70’) shënuan golat e fitores për “Topçinjtë”.
Kurse, golin e vetëm për “Djajtë e Kuq” e shënoi Cristiano Ronaldo në minutën e 34-t. Mysafirët kishin rast të mirë në minutën e 57-të për të shënuar, por Bruno Fernandes nuk u tregua i saktë nga penalltia. Arsenali pas kësaj fitore ka 60 pikë dhe renditet i katërti në tabelë, tri më shumë se Tottenhami që ka një ndeshje më pak. Kurse, Manchester United me 54 pikë renditet i gjashti.
(Kosova Sot Online )
