Lexoni edhe:
Njohja reciproke çelësi kryesor i dialogut të suksesshëm për normalizim me shtetin serb!
Gjashtë finalistët e tri garave të UEFA-s, Franca pa ekip përfaqësues nga pesë ligat e mëdha
Dje u bënë të ditur edhe finalistët e dy kompeticioneve tjera të UEFA-s, Europa League dhe Conference League.
Nga Europa League në finale do të përballen Frankfurti dhe Rangers, kurse në atë të Conference Leagues përballen Roma dhe Feyenoordi.
Ndërkohë, të mërkurën u kompletua edhe çifti finalist i Champions Leagues, aty ku do të takohen Real Madridi dhe Liverpooli.
Nga pesë ligat më të forta të Evropës, vetëm Franca nuk ka ekip në tri finalet e garave të UEFA-s.
Anglia, Spanja, Italia, Gjermania, Holanda dhe Skocia janë shtetet nga vijnë gjashtë ekipet finaliste të tri kompeticioneve të UEFA-s në këtë sezon.
Finalja e Champions Leagues do të zhvillohet më 28 maj në Paris, ajo e Europa Leagues më 18 maj në Sevilla të Spanjës, kurse finalja e Conference Leagues do të luhet në Tiranë në “Air Albania Stadium” më 25 maj.
(Kosova Sot Online )
