Lexoni edhe:
Pasojat e krimit dhe të korrupsionit, do të lënë vragë edhe në vitet që janë para nesh
Lazio po pret oferta për Muriqin, ia vendos çmimin yllit kosovar
Lazio po pret oferta për Muriqin, ia vendos çmimin yllit kosovar. Vedat Muriqi nuk e di ende se ku do të luajë sezonin e ardhshëm. Sulmuesi kosovar është i huazuar në Mallorca nga Lazio deri në fund të këtij edicioni.
Klubi spanjoll nuk do ta blejë kartonin e futbollistit prizrenas, përkundër paraqitjeve të mira të tij. 28 vjeçari i ka realizuar 4 gola dhe e ka bërë një asistim që nga janari, kur iu bashkua klubit nga La Liga. Mision i përfaqësuesit kosovar është që ta shpëtojë klubin ishullor të mos bie nga liga dhe më pas të rikthehet në Itali.
Por, as Lazio nuk dëshiron ta mbajë ish-futbollistin e Rizesporit dhe Fenerbahçes, i cili në kryeqytetin italian e pati një eksperiencë negative gjatë një viti e gjysmë.
Sipas mediave turke, “Biancocelesti” janë duke pritur oferta për prizrenasin.
Klubi italian do të ishte i kënaqur nëse arrin t’i fitojë 10-12 milionë euro nga shitja e Muriqit.
Për të, interesimin më të madh e ka shfaqur ish-klubi i tij, Fenerbahçe, por ndërkohë e do edhe gjiganti tjetër turk, Galatasaray.
Lazio e kishte blerë Muriqin për afro 20 milionë euro dhe lojtari ka kontratë me klubin nga Serie A deri në vitin 2025.
(Kosova Sot Online )
