Lexoni edhe:
Fakte interesante dhe statistika, krejt çka duhet të dini për ndeshjen e sotme të ekipit kosovar “Bad News Eagles”
Ronaldo zgjidhet prapë “Lojtari i Muajit” në Premierligë
Cristiano Ronaldo është zgjedhur lojtari i muajit prill në Premierligë.
37 vjeçari në muajin që e lamë pas i realizoi 5 gola në katër ndeshje të nivelit të lartë me Manchester Unitedin, përfshirë këtu edhe “hat-trickun” ndaj Norwich Cityt në “Old Trafford”, i cili e ndihmoi ekipin në fitoren dramatike 3:2.
Ai e shënoi golin e nderit ndaj Arsenalit, në humbjen 1:3 për ta arritur golin e 100-të në Premierligë.
CR7 u bë vetëm lojtari i katërt që e arrin këtë shifër në klub pas Ryan Giggs, Paul Scholes e Wayne Rooney, njofton Manchester United.
Shpejt pasoi goli i 101-të pasi realizoi në barazimin 1:1 ndaj Chelseat në lojën e fundit të prillit.
Ai i shënoi pothuajse krejt golat e Unitedit në muajin prill dhe me meritë e fitoi çmimin “Lojtari i Muajit”.
Kjo është hera e dytë që Ronaldo e fiton këtë çmim, që ndahet nga Premierliga, që prej rikthimit të tij në Angli në verën e vitit të kaluar.
Një gjë të tillë e kishte bërë edhe në muajin shtator.
Ronaldo në total e ka fituar gjashtë herë çmimin “Lojtari i Muajit në Premierligë”, duke e barazuar Steven Gerrardin, ndërsa gjendet prapa Sergio Agueros e Harry Kanet në listën e përgjithshme.
Portugezi e kishte fituar këtë çmim në nëntor dhe në dhjetor të vitit 2006 dhe më pas në janar dhe në mars të sezonit 2007/08.
(Kosova Sot Online)
