Lexoni edhe:
Donjeta Sadiku e synon sot medaljen në Kampionat Botëror
Trajneri i ri i Man Utd deklarohet nëse do ta mbajë apo jo Ronaldon
Cristiano Ronaldo do të luajë së paku edhe një sezon në Manchester United.
Për këtë ka siguruar trajneri i ardhshëm i “Djajve të Kuq”, Erik ten Hag.
Deri tash nuk dihej nëse 37 vjeçari bën pjesë apo jo në planet e trajnerit holandez, i cili synon ta sjell një frymë të re në “Old Trafford”, duke ua dhënë rastin lojtarëve të rinj.
Por, duket se pjesë e “fshesës” së gjigantit anglez nuk do të jetë edhe pesë herë fituesi i Topit të Artë.
“Dua ta mbaj Cristianon në Manchester United, natyrisht. Ai ka qenë mjaft i rëndësishëm për këtë klub”, u shpreh trajneri aktual i Ajaxit.
“Ronaldo është një gjigant, për gjithçka që ka treguar deri tash dhe për atë se sa ambicioz është ai”, përfundoi Ten Hag.
Edhe vetë ish-futbollisti i Sporting Lisbonës, Real Madridit dhe Juventusit ditë më parë e kishte shprehur dëshirën për të qëndruar në “Teatrin e Ëndrrave”.
Ai u rikthye tek ish-klubi i tij i tij gjatë verës së kaluar dhe e pati një sezon pozitiv në nivelin personal.
Por, United po kalon nëpër një sezon dëshpërues dhe si rezultat i kësaj mbeti jashtë Championsit për edicionin e ardhshëm.
(Kosova Sot Online )
