Lexoni edhe:
Reforma zgjedhore për një demokraci të avancuar, për zgjedhje të presidentit nga populli, zona zgjedhore pa votë të rezervuar
Flet menaxheri: Lewandowski është 34 vjeç, dëshiron ta realizojë ëndrrën e tij
Mbaron këtu raporti ndërmjet Robert Lewandowskit me Bayern Munichun. Për a konfirmuar këtë është përkujdesur menaxheri i futbollistit polak, Pini Zahavi. Sulmuesi polak është i vendosur për t’u larguar nga “Allianz Arena” edhe pse ka kontratë edhe një vit. Dëshirë e ish-futbollistit të Borussia Dortmundit është që ta provojë një eksperiencë të re në Barcelonë.“Për Lewandowskin, Bayerni është tashmë një histori. E ka mundësinë të shkojë në një klub të cilin e ka ëndërruar gjithmonë (në Barcelonë). Nuk kishte asnjë propozim konkret nga ana e Bayernit për vazhdimin e kontratës. Ai dëshiron të largohet nga klubi pas 8 vjetësh. Është 34 vjeç dhe dëshiron ta realizojë ëndrrën e tij”, deklaroi Zagavi për mediumin gjerman “Bild”.
Sipas tij, do të ishte e padrejtë nëse Bayerni mundohet ta ndalë lojtarin dhe t’ia mohojë atij dëshirën për t’u larguar. Lewandowski ka fituar gjithçka me gjigantin bavarez dhe tash është i gatshëm për ta nisur një përvojë të re. Interesim për shërbimet e tij ka shfaqur Barcelona. Lewandowski është zgjedhur futbollisti më i mirë në botë në dy vitet e fundit nga FIFA.
(Kosova sot Online )
