Lexoni edhe:
Parlamenti i Shqipërisë para provimit serioz, në pritje të Rezolutës për ndëshkimin e krimeve të Serbisë në Kosovë
Blakçori vazhdon me Dritën
Drita e ka nisur një ofanzivë të përforcimeve dhe të vazhdimit të kontratave me lojtarët. Dje, klubi gjilanas e zyrtarizoi përforcimin me mbrojtësin e djathtë të deritashëm të FC Prishtinës, Besnik Krasniqi. Ndërsa, sot “Intelektualët” e “blinduan” futbollistin Ilir Blakçori. Ai ishte lojtar i rëndësishëm i ekipit gjilanas në tre sezonet e fundit, prandaj edhe paraqitjet e tij i bindën Bardhekaltrit që t’ia ofrojnë atij një kontratë të re dyvjeçare, të cilën palët e nënshkruan sot.
Marrëveshja e arritur u nënshkrua në prani të drejtorit sportiv, Valon Zymberi, i cili i dëshiroi suksese në rrugëtimin tonë të përbashkët. Gjilanasit paralajmërojnë se nuk do të ndalen me kaq. Drita e mbylli sezonin si nënkampione e Kosovës dhe në edicionin e ardhshëm do të luajë në garat evropiane. Gjithashtu, ekipi gjilanas shkoi deri në finale të Kupës së Kosovës, ku u mposht nga Llapi ditë më parë, 1:2.
(Kosova Sot Online )
