Lexoni edhe:
Chelsea e dëshron De Ligtin, ofron deri në 45 milionë dhe sulmuesin e skuadrës
Barcelona planifikon të nënshkruajë me Cavanin dhe Di Marian
Shkaku i krizës financiare, Barcelona po shikon më shumë për të nënshkruar me futbollistë të lirë. Sipas “Fichajes”, klubi katalunas po synon që të nënshkruajë me Edinson Cavanin dhe Angel Di Marian në afatin kalimtar të verës.
Të dy futbollistët kanë konfirmuar largimin nga skuadrat e tyre përkatëse si të lirë. Cavani së fundi ishte te Manchester United, kurse Di Maria te Paris Saint-Germaini.
Barcelona e sheh sulmuesin nga Uruguai si opsion të dytë, nëse dështojnë të nënshkruajnë me Robert Lewandowskin.
Nga “Camp Nou” mund të largohet Ousmane Dembele si lojtar i lirë dhe Barça synon ta zëvendësojë me reprezentuesin e Argjentinës.
Juventusi thuhet se është favorit për të nënshkruar me Di Marian, por lojtari ende nuk ka vendosur përfundimisht për të ardhmen e tij.
(Kosova Sot Online )
