Lukaku arrin në Milano, e jep deklaratën e parë për rikthimin në Inter

  • S.A /
  • 29 June 2022 - 08:55
Lukaku arrin në Milano, e jep deklaratën e parë për rikthimin në Inter

Romelu Lukaku ka arritur sot në Milano duke i hequr të gjitha dilemat sa i përket së ardhmes.

Sulmuesi belg arriti në qytetin italian në orën 06:30, ndërsa sot pritet të jetë edhe dita e nënshkrimit të kontratës së tij me “Nerazzurri”.

Futbollisti i Chelseat ka qenë i shkurtër me deklaratën e tij pasi zbarkoi sërish në tokën italiane.

“Jam mjaft i lumtur që jam rikthyer”, i shpreh shkurt ish-futbollisti i Evertonit dhe i Manchester Unitedit.

Përfaqësuesi belg është i gatshëm për ta nisur aventurën e dytë “Nerazzurre”.

Gjatë ditës ai fillimisht do t’ju nënshtrohet vizitave mjekësore para se të nënshkruajë me nënkampionin italian.

Lukaku ka bërë gjithçka për t’u larguar nga “Stamford Bridge”, ku nuk e pati një eksperiencë të mirë pasi u rikthye në Londër nga Interi.

Nga ana tjetër, në Itali kishte shkëlqyer gjatë dy sezoneve me Zikaltrit, me të cilët ishte shpallur edhe kampion i Italisë.

Krahas Lukakut, Interi do të mundohet ta transferojë edhe Paulo Dybalan, i cili u nda së fundmi me Juventusin.