Lexoni edhe:
Dita e tretë, vonesa e tretë e Lewandowskit në stërvitje të Bayernit
Ronaldo e refuzon kontratën më të madhe në historinë e futbollit
Cristiano Ronaldo thuhet se do të refuzojë mundësinë për t’u bashkuar me një klub të paidentifikuar nga Arabia Saudite.
Ronaldos, i cili kohët e fundit i bëri të qarta synimet e tij për t’u larguar nga Manchester United, i janë ofruar 250 milionë funte në paga gjatë dy sezoneve të ardhshme për t’u transferuar në Lindjen e Mesme, me klubin gjithashtu një ofertë prej 25 milionë funte për Manchester United.
Por, sipas ESPN, Ronaldo do të refuzojë mundësinë për t’u bërë lojtari më i paguar në botë në mënyrë që të përpiqet të sigurojë një lëvizje diku tjetër.
Trajneri i ri i United, Erik ten Hag e ka bërë të qartë se Ronaldo është në planet e tij, duke mbyllur pyetjet në konferencën e tij të fundit për shtyp kur u pyet për kapitenin e Portugalisë.
Ronaldo ka humbur turneun parasezonal të Djajve të Kuq në Australi për shkak të çështjeve financiare, por ka punuar individualisht në mënyrë që të përgatitet për sezonin e ri.
37-vjeçari thuhet se dëshiron të luajë në Ligën e Kampionëve sezonin e ardhshëm.
Qëllimi i tij është të konkurrojë për trofe të mëdhenj në një ligë të fortë gjatë viteve të muzgut të karrierës së tij, diçka që ai mendon se nuk mund ta bëjë në United.
(Kosova Sot Online)
