Lexoni edhe:
U vlerësua me medaljen “Ylli i Madh”, Marku: Ky nderim më motivon akoma më shumë për të tjerë tituj
Xavi: I kam thënë Piques se nuk do të jetë e lehtë për të që të luajë
Trajneri i Barcelonës, Xavi Hernandez, ka theksuar se ka folur në fillim të verës me Gerard Pique për rolin e tij në skuadër këtë sezon.
Qendërmbrojtësi me përvojë nuk ka luajtur asnjë minutë në La Liga Santander deri më tani, pasi Xavi nuk e konsideron ish-shokun e tij të skuadrës si titullar të padiskutueshëm.
“Kam folur me Gerardin përpara se të shkonim me pushime”, tha Xavi.
“Isha i qartë. I thashë se do të forconim mbrojtjen dhe se nuk do të ishte e lehtë për të. Ai mund të na ndihmojë në një lloj tjetër roli. Ka konkurrencë për të gjithë. Unë përpiqem të zgjedh më të mirën për të fituar ndeshjet. Kjo varet nga ndjenjat e tij dhe të miat dhe nga mënyra se si ai konkurron kur i jepet mundësia”.
Pas regjistrimit të Jules Kounde të shtunës, Xavi përsëriti synimin e Barcelonës për të forcuar më tej mbrojtjen e tyre me nënshkrimin e një mbrojtësi të djathtë.
(Kosova Sot Online)
