Lexoni edhe:
Prishtina falënderon Plisat, dënon huliganizmin në ndeshjen e saj me Ballkanin
Nuk i legalizuan vilën në Ibiza, Lionel Messi detyrohet të...
Ylli i PSG-së, Lionel Messi bleu një vilë në Ibiza me vlerë 11 milionë euro, por menjëherë u përball me probleme të papritura.
Argjentinasi bleu një pronë në bregun perëndimor të Ibiza nga biznesmeni zviceran, Philippe Amon dhe sipas gazetës së njohur spanjolle "Periodico de Ibiza", kontrata u finalizua më 3 shkurt.
Megjithatë, siç pretendon gazeta e lartpërmendur, vila ka probleme me legalizimin dhe ende nuk ka marrë leje përdorimi, dokument i lëshuar nga vetëqeverisja lokale që vërteton se është në gjendje optimale për banim.
Problemet e legalizimit lidhen me ndërtimin e disa dhomave në garazhin e pronës, të cilat u shfaqën para blerjes së Messit,.
Avokati që përfaqëson shtatë herë fituesin e Topit të Artë është tani në bisedime me zyrtarët e qeverisjes lokale të qytetit për t'u përpjekur të zgjidhë çështjet.
Messi duhet të prishë dhomat që nuk ishin pjesë e planeve origjinale, në mënyrë që të marrë lejen për legalizimin e pronës.
Periodico de Ibiza raporton se pavarësisht problemeve, Messi dhe gruaja e tij kanë kaluar disa kohë në shtëpinë e tyre në Ibiza këtë verë.
(Kosova Sot Online)
