Lexoni edhe:
Tyson Fury i lodhur nga Anthony Joshua, i jep atij 48 orë për të nënshkruar kontratën
Nëna e tifozit autik të Evertonit, të cilit ia kishte thyer telefonin Cristiano Ronaldo, ka kërkuar nga Federata Angleze e Futbollit (FA) që ta ndëshkojë yllin e Manchester Unitedit. Pesë herë fituesi i Topit të Artë ishte protagonist negativ në stadiumin “Goodison Park” në muajin prill kur ia kishte përplasur përtokë telefonin dhe ia kishte lënduar dorën tifozit 14 vjeçar, Jacob Kelly.
E nëna e tij vazhdimisht i ka ndjekur rrugët ligjore dhe tash shpreson që CR7 ta marrë dënimin e merituar nga FA.
Tyson Fury i lodhur nga Anthony Joshua, i jep atij 48 orë për të nënshkruar kontratënLexoni edhe:
“Le të shpresojmë që ai më në fund ta marrë dënimin e merituar. Ai nuk mund t’ia kalojë paq pas asaj që e ka bërë. Sjellja e tij është e papranueshme. Djali im flet çdo ditë për atë që i kishte ndodhur. Ai madje nuk ka më as telefon”, thekson nëna e tifozit të Evertonit për “The Mirror”.
“Ronaldo do të duhej të paguante për telefonin e thyer. Ai është personi që e ka shkaktuar këtë. Si mund të fle natën duke e ditur se çfarë pasojash i ka shkaktuar një tifozi të ri?”, vazhdoi nëna e tifozit.
“Ai na ka kërkuar takim dhe kërkoi falje, duke shtuar se nuk ka bërë diçka të keqe. Kjo nuk është keqardhje, është nënçmim dhe fyerje”, përfundoi ajo.
(Kosova Sot Online )