Lexoni edhe:
Pasojat e grevës së SBASHK-ut në arsim të pa përmirësueshme, janë të barabarta me krim
Ancelotti e komenton barazimin me Osasunan, e bën një premtim
Carlo Ancelotti e ka komentuar barazimin e mbrëmshëm të Real Madridit me Osasunan. Trajneri italian thotë se “Los Blancos” merituan të fitonin në bazë të lojës së shfaqur. Reali barazoi 1:1 në shtëpi duke i dhënë fund serisë prej 8 fitoreve radhazi, ndërsa Karim Benzema ishte fytyra tragjike e takimit pasi e humbi penalltinë, shkruan.
“Ndeshja në përgjithësi nuk e kishte një ritëm shumë të lartë. Nuk ishte një lojë e mirë, por merituam të fitonim. Nuk ka pardon. Ekipi është mjaft i mirë. Ndeshja nuk shkoi ashtu siç dëshironim ne. Janë gjëra që ndodhin gjatë kampionatit. Ka gjëra që duhet t’i përmirësojmë. Kur kjo skuadër nuk fiton, nuk është asnjëherë e lehtë. Një barazim na lë të trishtuar, por do të reagojmë shpejt”, deklaroi Ancelotti pas ndeshjes.
Ai foli edhe për penalltinë e humbur nga favoriti i Topit të Artë, Karim Benzema.
“Kam menduar ta ndërroja goditësin, por Karim i ka gjuajtur dy penalltitë më të rëndësishme të sezonit të kaluar. Është goditësi më i mirë që e kemi”, shtoi tutje “DonCarlo”, i cili theksoi se sot do të dihet shkalla e lëndimit të Thibaut Courtrois, derisa beson se lëndimi nuk duket të jetë shumë i rëndë.
Barazimi i mbrëmshëm ia humbi Realit primatin në tabelën e La Ligas, të cilin tash e mban Barcelona, por me pikë të njëjtë me “Merengues”.
(Kosova Sot Online )
